白象文化‧印書小舖 不需出版社審核,人人都可以出書
  聯絡我們 | 合作提案
................................................................................
搜尋
................................................................................
書籍分類
*

商業理財

....................
*

文學小說

....................
*

散文小品

....................
*

人文科普

....................
*

心靈勵志

....................
*

宗教哲思

....................
*

醫療保健

....................
*

親子共享

....................
*

星相命理

....................
*

休閒娛樂

....................
*

進修學習

....................
*

藝術創意

....................
*

人物傳記

....................
*

新詩

....................
*

社區文宣

....................
 
 
我的瀏覽紀錄
   
  台文通訊——30冬紀念特刊
  台文通訊——30冬紀念特刊
  ◎《台文通訊》為現今持續發行時間最長,影響力最大的台文刊物。
   
 
三分鐘瞭解自費出書
 
出書543

 
買書
 
商品訊息
 

作  者:鄭良光、陳雷、吳家銘、鄭智程、紀品志、林碧堂
類  別:未分類
出  版:亞細亞國際傳播社
出版日期:2022年4月
語  言:繁體中文
I S B N :9789869888790
裝  訂:精裝

定  價:NT$680

立即購買

分享 Facebook Plurk Twitter
 
內容簡介

 
 
同類商品推薦
 
 
我的老天爺啊
我的老天爺啊

我的生活經驗分享, 帶你走向自我實現的目標

 
靈界,好神2:超越因果後
靈界,好神2:超越因果後

集結前本《靈界好神》有緣人熱烈分享,以仙佛的妙智慧突破因果與主神團圓的創新格局,一本超越先天、傳承個人圓滿之道的寶典。

 
打開人與環境潘朵拉之盒
打開人與環境潘朵拉之盒

一本跨越通識教育與環境教育兩大領域的書籍,進行一場對自然環境的探索與實踐。

 
安希セクシーな写真集
安希セクシーな写真集

這是一本濃濃的日本寫真派的性感寫真書,也希望所有的粉絲能夠支持並且喜愛安希的表現,她也相信書中的內容,絕對可以讓粉絲看到一個全新不一樣的自己。

 
更多同類商品

 

內容簡介

序 / 導讀

試  閱

作  者

   
 

◎上讚ê台文入門冊
《台文通訊》就是正港ê台灣文學寶庫,全部用台文書寫,用羅漢合寫ê形式來幫贊羅馬字初學者khah簡單來入門,koh用台文討論台灣族群ê運命,記錄、創作台灣魂ê性命故事。咱beh藉30冬這ê值得紀念ê日子,發行《台文通訊——30冬紀念特刊》,予愈來愈chē台灣人、甚至外國朋友,來了解咱台語ê文字kap記持,咱台灣人ê歷史。《台文通訊——30冬紀念特刊》是1本台灣人攏需要來讀ê入門冊。

◎紹介台文通訊運動史
這本紀念特刊咱特別邀請參與《台文通訊》ê關鍵人物來記錄、紹介台文通訊ê發展經過。有創辦人鄭良光先生、早期北美時期Toronto(多倫多)台文編輯小組蘇正玄先生。另外koh特別邀請有台語文專長ê有志對無kāng角度來評論、評價這份刊物ê意義kap特色。

◎早期文章、作者選集
編輯團隊ùi舊年開始討論beh收錄重刊ê文章kap內容,向望無讀過這份刊物、無讀過早期文章ê朋友,會使真簡單來認bat這份刊物ê特色kap重點。咱有推薦整理幾ê代表性ê作家專欄,mā有照文章ê性質來分類、紹介。這是1本beh了解台語文運動、台語文學、《台文通訊》上好ê入門冊!

◎參與者30冬回顧
除了背景紹介kap早期文章選集,咱koh去邀請過去有參與著這份刊物ê有志來做30冬ê回顧,有歷任總編輯、全世界聯絡處ê負責人、作者、讀者等等,來分享in對這份刊物ê記持kap心情。

◎刊物、作者原稿公開
Tī《台文通訊——30冬紀念特刊》內底,除了文字記錄,咱koh特別kā早期《台文通訊》1寡寶貴ê資料用相片ê方式來呈現予大家看,有《台文通訊》專用ê批紙、《台文通訊》原稿、重要台文作家ê手稿等等。這攏是頭1擺公開ê資料,邀請大家共同見證咱家己ê台語文學史、台語運動史!

   
 

今年是《台文通訊》創刊第30週年,tī這個時間點出版「《台文通訊》30冬特刊」有特別ê意義。

2019年「23rd世界台語文化營」tī洛杉磯舉行,bē-chió 40歲以下ê草根台語文運動者,ùi台灣來參加。有「做伙來講台語 sńg kah 烏má-má 好無? 協會」 ê Tiuⁿ Sió-ngá,「意傳科技」Sih Sêng-hông ,「台文博覽會」,「台文博覽會」、「ChhoeTaigi」、「台文雞絲麵」ê負責人Ngô͘ Hê-bí等。In建議海外ê台語文運動者kā過去ê歷史寫--落-來,thang見證、累積、傳承in救護台灣語言所做過ê努力,mā thang鼓催中華民國體制內困難做到ê「台語文化轉型正義kap復興」。可惜座談會發言ê人真chē,無時間討論議案,這項建議無得著應該有ê討論。

無拍算,吳家銘(Hê-bí)無死心,2020年秋主動來招我做編輯「《台文通訊》30冬特刊」ê事工,叫我做總編輯。Kā我講我kan-na負責tàu kéng(海外時期)《台文通訊》內面無仝階段代表性ê文章,鼓勵人來寫回顧to̍h ē-sái。編輯,公開募資,出版,通路等執行ê工作伊歡喜來負責。

Hō͘伊對傳承台語文化迫切ê危機感kap鬥志感動--著,我招《台文通訊》加拿大連絡人吳景裕(陳雷),kap《台文通訊》台灣總連絡人陳豐惠做伙來做共同總編輯。家銘koh招鄭智程、紀品志、林碧堂來做共同主編。智程是成大台文系研究所學生,傑出新世代ê台語文草根運動者。品志是台大是台大農業化學系學士,荷蘭Leiden大學語言學碩士。碧堂是台南神學院道學碩士,台灣教會公報台文版主編。
 
另外,家銘koh招40幾位志工,beh kā《台文通訊》數位化,方便少年人tī手機讀《台文通訊》ê 文章,mā ē-tàng方便語言學者對台灣語文運動史ê研究。這個編輯團隊來自三個無仝國家,三個無仝世代,象徵海內外台灣人毋肯放棄,迫切beh救護傳承台語ê決心。

有關台語文運動史ê整理kap台語文獻資料ê收集已經有體制內外ê單位bat做--過。「《台文通訊》30冬特刊」kap數位化ê計畫敢有啥物特殊ê意義?

第一:鼓勵青年人讀海外時期ê《台文通訊》 
 
《台文通訊》海外主筆群真chē是台灣人ê精英,in tī各人專業有傑出ê成就。In ùi國外看台語文化ê問題,有多元多樣ê內容,現代智識kap台灣精神ê營養份真高。可惜《台文通訊》是小眾傳播,絕大部份台灣人m̄-bat聽過有這份刊物。出版「《台文通訊》30冬特刊」有典藏1991-2011年彼時期ê台語文運動史料kap台語台灣文學發展史ê作用。M̄-koh上大ê意義猶是hō͘少年人ē-tàng tī網路讀ē著早期《台文通訊》ê作品。Hō͘ 1975年「紐約台灣語文推廣中心」,1977年《台灣語文月報》,1991年《台文通訊》 ,1993年「聰美姊紀念基金會」,1997「Toronto 台灣語文中心」,後--來轉去到台灣「李江却台語文教基金會」這段台語文運動寶貴ê經驗,會當繼續傳--落-去,成做台語文化ê肥底。
 
這幾冬來bē-chió獨派ê少年人,意識著台語文化斷種ê危機,開始想beh kā台語學--轉-來。可惜,台灣主要ê文化通路——教育體制/大眾媒體——猶是hō͘華語霸權pà tiâu--leh,台灣人猶是看輕家己爸母話文化,欠缺語言文化自尊心kap自信心。網路社群有關台語ê討論khah-chē--ê是這句中文台語beh按怎寫這款技術性ê問題。對華語霸權無公義,結構性ê問題khah chió有深入ê討論。《台文通訊》對台灣語言文化ê論述超越「我手寫我口」技術性ê文字訴求,強調精神層面ê台灣主體性,科學精神,社會性,現代性,前瞻性。這款夢想,超越形式上ê台灣國,是teh望想理想ê台灣國。

早期《台文通訊》文學作品大部份是teh講出外台灣人ê故事,內面有in對「故鄉」人kap事ê感情,充滿對台灣將來ê期待。這款作品有特別ê時代意義kap氣味。

《台文通訊》信仰性ê文章鼓勵台灣人更新心靈,自我要求,啟發台灣民族ê自信心,發揚台灣精神。台語文化ê復興m̄-nā需要「我手寫我口」ê台語文技術,閣卡需要--ê是建立民族自信心。台語消失是政治問題,心理問題,m̄-sī技術問題。台灣人需要對華語霸權所致ê斯德哥爾摩受逆性格(註*)ê心結覺醒出來。讀《台文通訊》m̄-nā ē-tàng增加用台語思考讀文章ê能力,mā有提昇台灣精神境界ê效果。

第二:促進跨世代跨國界跨領域新階段ê台語文運動

這本特刊編輯過程ê本身就是一個網路世代新型草根台語文運動。這一冬來m̄-nā有跨國線頂編輯會議,koh舉行過30幾場ê 「《台文通訊》30冬線頂讀者聯誼會」,每禮拜六台灣時間暗時10點,來自加拿大、美國、法國、瑞士、荷蘭、西班牙、日本、台灣各所在ê各種專業人士定時聚會,輪流做主持人,設定主題,安排來賓,探討台灣文學、台語電腦科技應用、台語文歷史、語言政策、大學台語文教學ê實踐經驗、台語消費者運動、台語翻譯機器人、母語地圖ê製作kap應用、線頂台語教學、網路消費者運動、體制內外台語文運動等議題。「《台文通訊》30冬:線頂讀者聯誼會」kap 「《台文通訊》30冬:台灣文學欣賞」ê活動結連18歲到82歲,ùi台灣、日本、加拿大、美國到歐洲ê台灣語文草根運動工作者,通過網路形成一股新ê台語文運動ê力量。

第三:檢驗、更新過去台語文運動ê論述

這30冬來台灣ê社會語言環境有真大ê變化。雖然有「國家語言發展法」通過,kap「公視台語頻道」成立,m̄-koh台語家庭ê囡仔已經失去講台語ê社會環境。救台語ê時機敢已經慢--去ah? 
90年代台語文運動主張用台語文化建立台灣國ê論述tī 2020年代,敢猶有適用? 造成台語流失ê根本結構敢會改變?Beh按怎改變? 網路世代自媒體ê興起對台語文運動有啥影響? 台語死亡ê趨勢本土政權敢有想beh救? 救敢會活?台語文化流失對國家安全有啥影響? 過去雙語教育ê主張敢有需要調整?台灣少年人讀漢字台文頭殼內是用台語抑是華語teh思考? 敢有能力正確掌握漢字ê台語發音? 漢字白話字ê比例敢有需要調整?Beh按怎調整?面對目前台灣新ê語言文化環境,「《台文通訊》30冬特刊」邀請原作者來回顧30冬前ê文章,mā邀請新一代台語文運動者來發表in對《台文通訊》ê看法,希望ē-tàng更新台語文運動ê主張kap論述。

Tī chia beh利用這個機會koh一遍感謝30冬來為《台文通訊》寫稿、捐款ê朋友。雖然台語文化ká-ná強欲斷種,毋過相信咱已經kā種子iā tī咱久長所愛ê田園。有一日in會大欉出頭天,kap世界各種語言共存共榮,向前貢獻世界和平。

嘛beh特別感謝1977年創辦北美台灣人第一份報紙《台灣語文月報》ê李豐明、陳清風、鄭良偉。這份台文報紙啟蒙我ê台灣意識,開闊我ê世界觀。恁掖種,經過14冬《台文通訊》開花結果。願上天所賜,祖先所愛ê台語文化,有咱ê參與,一代koh一代繼續生thòaⁿ。

* 參考《台灣人「受虐性格」的心理分析》林毅夫精神科醫生,前衛出版。

   
 

標題:發刊辭 按會徽談起.....
作者:鄭良光
期數:原文收錄tī《台文通訊》第1期,第1頁
內容:
台文習作會自成立以來,按幾個仔對台文普及化有使命感ê同鄉開始,每一次聚會ê人數攏一直teh增加,到第六次ê時已經有十七個人參加。但是真正hō͘阮感覺歡喜ê不是人數ê增加,是參與者ê熱情及投入。Tī進入第四個月ê時,有會友提起辦台文習作會通訊ê構想。這個提議受著熱烈ê回應.....

有人認為台灣語文面臨著滅種ê危機,這份通訊會扮演一個「火種」的角色,來延續台灣語文ê香火。

有人認為台文普及化需要全民ê參與才有法度達成。特別是教育界、政治界、傳播界、工商界、電腦界、學術界、宗教界、文學界、語言學界,等等無仝背景ê專業人才攏來參與才會成功。這個工程是即nih大,台文習作會ê力量是即nih á小,這份通訊會當扮演ê角色是親像一枝小小ê「蕃仔火」,來點一pha火,點to̍h遐ê肯為台語文化犧牲奉獻ê蠟燭及火柴;來照光受汙染,漸漸烏暗ê台語社會;來燒除遐ê加tī台語文化ê壓制及污穢。

有人講,台灣語文工作ê力量過頭分散,互相閣無聯絡,這份通訊著愛擔任「橋樑」ê角色,hō͘台灣語文工作者會當互相鼓勵、交換意見、分工合作。

也有人講,台灣語文不但tī國民黨ê電視節目、文字媒体受歧視,tī本土意識ê報紙、雜誌也是無受重視,台文作家發表作品ê空間有限,影響了台文的創作ê意願。這份通訊會當提供台文作家一個創作ê「園地」、發表ê「舞台」。

台文習作會ê會徽就tī這種熱烈ê討論下產生了。伊親像是一pha強欲hoa去ê火種;一枝小小à ê燒了就化做火麩ê蕃仔火;一條期待人來經過ê橋;一區欠人耕作ê田園;一個可能無觀眾ê舞台。阮就欲按呢來開始,阮啥物攏無,阮所有ê只是一粒疼台灣ê心及一個m̄肯放棄ê信念:「今日若將這來放,是永遠無希望」。

語言及文字是有社會性ê物件,台文普及化及標準化ê運動是m̄是會成功,台灣話是m̄是會當繼續做台灣地區ê普通話,愛靠所有認同台灣、疼台灣ê人做夥來關心才有法度通達成。當阮這枝「蕃仔火」燒盡ê時,阮相信有chē-chē ê蠟燭會將這pha火繼續傳落去。

   
 

◎今年是《台文通訊》30年生日,「台文雞絲麵」、「台文博覽會」發起人吳家銘先生和《台文通訊》創辦人鄭良光先生共同發起《台文通訊——30冬紀念特刊》計畫,並且邀請2位總編輯以及3位主編來共同發起、討論與執行,總編輯和主編橫跨2個世代,分別住在北美與台灣,具有世代傳承的意義。這次參與的志工團隊總計超過50人,且絕大多數都是年輕人,也是新一代台語文草根運動的實踐和傳承。

 
團購優惠
 
點閱率排行榜
   
  銀行的那些事
  銀行的那些事
 
   
 
2. 共生與分炊:合中有分,分不離合
3. 藍男色-允碩的極私密萬年曆桌曆(限)
4. 營利事業所得稅查核準則實務解析
5. 長春餓殍戰:中國國共內戰最慘烈的圍困,1947.11.4~1948.10.19
6. 「玩賺權證」達人祕笈
 
開卷試讀
   
  其實我可以很快樂
  其實我可以很快樂
  世上最美好的事情,就是能夠以自己喜歡的方式度過人生。
   
 
2.小島先生
3.病中札記:一個乳癌及多系統萎縮患者的內心世界
4.貓與狗
5.愛相隨
 
 
白象文化 印書小舖 白象文化生活館
 
................................................................................
 
出書 賣書 買書 關於我們 聯絡我們
* 如何出書
* 實體書
* 電子書
* 線上申請
* 服務方式
* 銷售通路
* 行銷工具
* 線上申請
 
線上講堂
* 出版FAQ
* 經銷FAQ
* 編印FAQ
* 討論交流
* 媒體報導
* 客戶見證
* 活動點滴
* 公司簡介
* 理念及特色
* 出版品牌
* 大事紀
* 加入我們
* 我要發問
* 交通位置
會員中心
合作提案
 
................................................................................
  Copyright©2010 PressStore All Rights Reserved.