本書臺語、英語雙語繪本，以桃園多元族群的飲食文化為主題，透過美食、語言與文化的結合，介紹桃園。
一共有大人版、囝仔版以及食譜3冊。
◎一桌桃園味 一个多元城
咱桃園是一个多元族群融合共榮的城市。閩南、客家、 原住民、眷村、馬祖佮新住民等等文化佇遮相拄，嘛佇日常生活當中互相插濫，上蓋直覺、上蓋鮮跳跳的展現，就是彼一路一路好食物。對大溪豆乾、牛搵水、弓蕉飯、牛肉麵、雲南粿仔條，到泰式酸薟湯、越南粿仔，逐路好食物毋但是味覺的記持，閣較是族群故事的延續。這幾年，桃園市政府積極推動飲食文化的保存佮推廣，親像辦理桃園閩南文化節、總舖師辦桌、龍岡雲南粿仔條節、大溪豆乾節等等多元活動，嘛透過文化小旅 行、長街宴、手作工坊等等形式，予市民會當佇「食」的體驗當中認捌無仝族群的歷史佮生活方式。這一寡活動毋但是行銷桃園的光點，閣較是咱落實文化融合、深化族群理解重要的一部份。語言是文化傳承的根，是連結人佮人、世代佮世代的橋，阮嘛一步一步共這寡仔桃園在地文化元素融入語言教育。桃園市政府自2018年設立「閩南及民俗文化科」，深耕閩南文化底蒂，閣結合學校教育、社區資源佮親子教材，持續拓展本土語言的應用領域。《佇桃園 食世界》拄好佇這款背景出世；透過畫本遮爾親切閣有延伸性的媒介，結合臺語的聲音佮好食物的形象，毋但會當喚醒長輩的記持，嘛會當𤆬領少年世代重 新認捌家己生長的土地。阮向望這毋但是一部講「食」的畫本，閣較是一套結合語言學習佮文化搜揣的教育工具。予家庭的共讀時間、學校的教學現場，因為這部畫本變甲閣較有溫度，嘛閣較貼倚桃園的生活佮精神。桃園，當咧用多元共融做底，畫出一幅屬於這个城市的文化地圖。真心誠意邀請你，佮阮同齊「佇桃園、食世界」，佇語言佮味蕾之間，啖看這座城市的文化滋味。。
【作者序】
◎深信「語言是文化最好的橋梁，美食則是文化最容易跨越國界的媒介」。因此，今年再次集結原班團隊推出《臺語－英語》雙語版本，希望將這項文化推廣工作持續延伸，未來也期待以更多不同族群語言及文化主題，建立具有國際視野的臺灣雙語系列繪本，讓世界透過閱讀，更深入認識臺灣多元文化的魅力。
- 開本： 27x28cm
- 頁數： 100
- 單/彩色： 彩色
- ISBN： 9786264570107
◎
阿寶佮阿貝為著欲做報告介紹桃園好食物，期待誠久的好食物旅行，終其尾來矣！
佇桃園景福宮廟埕，爸仔問講：「咱小等一下就欲去食好料的，恁的胃準備好矣未？」
「我已經枵三工三暝矣。」阿寶講甲誠譀古。
「顧腹肚進前，咱愛先入去拜開漳聖王，感謝伊兩百外年來保庇咱桃園。」
註:
1. 介紹kài-siāu:□動引薦；居間接洽、牽合雙方認識。□動/引進；帶入或引進新事物。
2. 紹介siāu-kài:□動幫人居間引進；源自日語「紹介（しょうかい）」。
A-pó kah A-puè uī-tio̍h beh tsò pò-kò kài-siāu Thô-hn̂g hó-tsia̍h-mi̍h, kî-thāi tsiânn kú ê hó-tsia̍h-mi̍h lí-hîng, tsiong-kî-bué lâi--ah!
Tī Thô-hn̂g Kíng-hok-kiong biō-tiânn, in pā--á mn̄g kóng, "
lán sió-tán--tsi̍t-ē tō beh khì tsia̍h hó-liāu--ê, lín ê uī tsún-pī hó--ah--buē? "
"Guá í-king iau sann kang sann mê--ah. "A-pó kóng kah tsiânn hàm-kóo.
"Kòo pak-tóo tsìn-tsîng, lán ài sing ji̍p-khì pài Khai-tsiang Sìng-ông, kám-siā i nn̄g-pah guā nî lâi pó-pì lán Thô-hn̂g. "